Friday, January 25, 2013

ഇവിടെ, നിശബ്ധമായ ചില ഓർമകൾ, മണങ്ങൾ


ഇവിടെ
നിശബ്ധമായ ചില ഓർമകൾ, മണങ്ങൾ

തെരുവിലേക്കൊന്ന് ഇറങ്ങി നോക്കട്ടെ
വെയിലുപെയ്യുന്നതു കാണാം
കാറുകൾ ഒഴുകുന്നതും
കുട്ടികൾ നടക്കുന്നതും
റോഡ് കടലിലേക്കൊഴുകുന്നതും കാണാം
ആകാശത്ത്
കടലുപോലെ മേഘങ്ങൾ
കപ്പലിറക്കാൻ തോന്നും
കുതിച്ചുനീന്താനും

എന്തു പറഞാലും തെരുവിൽ
നീയും ഞാനും
നടന്ന വഴികൾ ഇപ്പോഴുമുണ്ട്
നമ്മൾ കാത്തുനിന്ന ബസ്സുകൾ
കയറിയ ​‍ാട്ടോറിക്ഷകൾ
എല്ലം ഇപ്പോഴും അതുപോലെതന്നെ

ഞാനില്ലാതായതും
നീ അലിഞ്ഞുപോയതും
അവരറിഞ്ഞപോലെ, എന്നെ നോക്കാറേയില്ല

നിഴലുപോലത്തെ പ്രകാശങ്ങളേ
വഴിയരികിൽ
ചിതറിവീണ
ഇലകളുടെ കാലൊച്ചകൾ
തെരുവുകടന്നുപോയത്
നിങ്ങളറിഞ്ഞിരുന്നോ

തെരുവിലേക്കൊന്ന് ഇറങ്ങി നോക്കട്ടെ